ЦААСАН ШУВУУ

Монголчууд бидний дунд нэгэн сонирхолтой сэтгэхүй байдаг.
Биеэ өвдөхөөр эмчид очих биш аптект очоод л эмийн санчаас нь ингээд байна, энд өвдөөд байна ямар эм уух вэ? гэж асууж байгаад шууд худалдаж аваад уучихдаг. Тэгээд зарим нь азаар дээрдэж, зарим нь бүүр дордсон хойноо эмчид ханддаг. Уг нь гадаадын бусад хөгжилтэй оронд бол эмийг ингээд бараа шиг зараад, дуртай нь авч уудаггүй, эмийн сангууд нь эмчийн бичиггүйгээр үйлчилдэггүй.
Тэгэхээр ЭМ нь эхлээд биш ЭМЧ нь эхлээд юм шүү гэдгийг санаж яваарай.
Ингээд л зүгээр болчихдог юм гэж хандаад, эцэст энэ муу эмч эмчилж чадаагүй гэхийн оронд эхнээсээ л эмчид хандвал зүгээрсэн.
Магадгүй зарим эмч нар нь харилцааны соёл, эмчийн ёс суртахуун муутай байдаг, зарим нь ч мэдлэг муутай байдаг зэргээс хүмүүс эмнэлэгт хандахаасаа өмнө эм уудаг. Айл бүр гэртээ бараг эмийн сантай, толгой өвдөхөөр, гэдэс өвдөхөөр, ханиад хүрэхээр нь гээд л дураараа уудаг. Зарим өрхийн эмч нар нь ч яг ийм эмчилгээ зөвлөдөг.. Уг нь бол ханиад болгон, гэдэс өвдөх болгон ихэнхдээ өөр өөр нянгаар, өөр өөр шалтгаанаар үүсдэг учир эмчилгээ нь ч бас өөр л байх ёстой баймаар санагддаг юм. За тэгээд сайн ч муу ч эмчдээ үзүүлж байгаад л эмээ ууж байя. ЭМЧ нь эхлээд ЭМ нь дараа нь юм шүү.